Одделението за превенција при СВР Скопје денеска (07.04.) во соработка со РСБСП, на територијата на ПСОН Аеродром, поточно пред ТЦ „Капитол“ и ТЦ „Бисер“, спроведоа превентивно едукативна активност под мотото - „Одговорно пред пешачкиот премин“ и „Секогаш погледни, намали, застани!“
Основната цел на проектот беше насочена кон зголемување на сообраќајната култура и почитување на сообраќајните правила и прописи, како и зајакнување на довербата и соработката помеѓу полицијата и граѓаните. Во рамки на активноста, на учесниците во сообраќајот и, пред се на пешаците, им беа делени едукативни материјали изработени во соработка со РСБСП.