Денеска (03.04.) полициски службеници при ОВР Свети Николе во соработка со Општинската организација на Црвен крст – Свети Николе и ЈЗУ Здравен дом „Ѓорѓи Гаврилски“ - Свети Николе, реализираа едукативна работилница во просториите на СОУ „Кочо Рацин“ во Свети Николе.
Едукативната работилница беше наменета за учениците од трета и четврта година при ова средно училиште, кои што беа запознаени како да се однесуваат во кризни ситуации, како да се совлада паниката и безбедно да се евакуираат од објекти. Воедно беше спроведена показна симулациска вежба за брза евакуација во случај на итност и однесување во кризни ситуации, а беа посочени и дел од законските одредби кои го санкционираат присуството на малолетници во угостителски објекти.