Денеска (05.03.) Одделението за превенција при СВР Скопје во соработка со РСБСП спроведе сообраќајни превентивни активности на подрачјето на ПСОН Центар, поточно на улицата „Македонија“, под мотото – „Паркирај совесно, паркирај одговорно“.
Основната цел на активноста беше насочена кон зголемување на сообраќајната култура, преку почитување на сообраќајните правила и прописи, како и во поглед на зајакнување на довербата и соработката помеѓу полицијата и граѓаните. Исто така, во рамки на денешната активност на учесниците во сообраќајот им беа делени печатени едукативни материјали изработени во соработка со РСБСП.