На 22.02.2025 на повеќе локации во Штип, Отсекот за превенција при СВР Штип во содејство со полициски службеници од Полициската станица за безбедност на патниот сообраќај Штип спроведе превентивно - едукативни кампањи под мотото „ Не вози пијан “ и „Не разговарај на мобилен додека возиш”.
За време на активноста, преку непосреден контакт, на возачите им беше укажано дека почитувањето на сообраќајните правила и прописи е од особено значење за зголемување на безбедност во сообраќајот. Исто така, за време на активноста на учесниците во сообраќајот им беа поделени летоци со едукативна содржина.