Денеска (17.09.2023) од страна на полициски службеници од Отсекот за превенција при СВР Штип пред спортската сала на ОУ„Тошо Арсов“ и Градскиот стадион во Штип, спроведена е превентивна активност во рамки на проектот ,,Да навиваме спортски и безбедно за нашиот клуб“.
Во текот на активностите беа поделени и летоци со едукативна содржина, а на граѓаните им беше укажано дека не смее да се истакнуваат транспаренти, знамиња и други предмети со текст или слики што поттикнуваат омраза и насилство и дека за својот клуб треба да се навива спортски. На граѓаните им беа презентирани и основните законски одредби за спречување на насилство и недостојно однесување на спортски натпревари.