Во рамките на континуираните превентивни активности на Одделението за превенција при СВР Скопје, согласно годишната програма за работа, денеска (29.08.) во општина Гази Баба односно на подрачјето на Полициската станица од општа надлежност Гази Баба, и тоа во селото Стајковци и на клучка кај село Стајковци беа реализирани превентивни активности посветени на заштита од шумски пожари и пожари на отворено.
Притоа, во соработка со ЈП „Национални шуми“ и Шумската полиција беа реализирани средби и разговори со локалното население, при што беше укажувано за потребата од максимална внимателост особено во овој период на екстремни дневни температури, а во интерес на заштита и превенција од предизвикување пожари.

Исто така и на возачите им беше укажувано да внимаваат и да не фрлаат цигари или друг отпад што може да предизвика пожар покрај патот или на отворен простор што потоа може многу лесно да се прошири на земјоделски или на шумски површини.
На граѓаните им беа делени и едукативни печатени материјали со информативни содржини поврзани со превенцијата од пожари и важноста од благовремена комуникација со полицијата и другите надлежни служби.