Вчера (21.08.) полициски службеници од ОВР Крива Паланка реализираа превентивна активност во рамки на оперативниот план „Безбедно лето 2023“ со цел превенција од имотни деликти, особено кражби, тешки кражби и разбојништва на подрачје на општина Крива Паланка. Полициските службеници во непосредна комуникација со граѓаните им даваа корисни совети, а им поделија и печатени едукативни материјали со практични совети.

Исто така, вчера (21.08.) полициски службеници од Полициско одделение за безбедност на патниот сообраќај при ПС Крива Паланка спроведоа превентивна активност под мотото „Стави појас“ и „Не вози под дејство на алкохол“. Полициски службеници преку непосредна комуникација со возачите им укажуваа за значајната заштитна улога која ја има сигурносниот појас при евентуална сообраќајна незгода, а исто така на возачите им укажаа за ризикот, опасноста и последиците на кои се изложуваат доколку управуваат моторно возило под дејство на алкохол. На возачите им беа поделени и печатени едукативни материјали, изработени во соработка со Републичкиот совет за безбедност на сообраќајот на патиштата.