Денеска (29.07.2023) и вчера (28.07.) полициски службеници од Одделението за превенција при СВР Скопје во координација со полициски службеници од ПС Чаир, ПО Мирковци и ПО Петровец спроведоа превентивна активност на подрачјата што ги покриваат овие организациски единици согласно Оперативниот план „Безбедно лето“, а во рамки на кампањата за заштита од пожари. Со непосредна комуникација со граѓаните и со делење на информативни летоци, беше потенцирана неопходноста од крајна внимателност кога граѓаните се движат во предели каде има шуми и сува трева, да не фрлат запаливи предмети, догорчиња на цигари или да се пали оган со цел да не се предизвика пожар.