Во текот на вчерашниот ден (21.07.) полициски службеници од Полициската станица Радовиш на повеќе локации на подрачјето на Радовиш ја реализираа превентивната активност - „МВР за граѓаните“ насочена кон градење поквалитетна соработка и комуникација меѓу полицијата и заедницата.

На неколку локации во Радовиш полициските службеници преку делење на едукативни летоци и во непосреден разговор ги информираа граѓаните со задачите и обврската на полицијата во интерес на обезбедување сигурност и безбедност на граѓаните, на нивните материјални добра. Притоа, беше потенцирана неопходноста и потребата граѓаните поинтензивно да соработуваат со полицијата, која е нивен сервис, со што заеднички би се дал дополнителен придонес за зголемување на безбедноста во заедницата во којашто живеат.