Вчера (19.07.2023) полициските службеници од Регионален центар за гранични работи Исток, Полициска станица за Гранични проверки и Граничен надзор „Деве Баир“, на Граничниот премин „Деве Баир“ и на магистралниот пат, во соработка со полициски службеници од Крива Паланка, рализираа превентивни активности под мотото „Биди подготвен да дадеш прва помош“ и „Вози одговорно“.

На Граничниот премин „Деве Баир“ и на магистралниот пат полициските службеници во соработка со активисти на Црвениот крст изведоа повеќе симулациски вежби за укажување на помош на лица на кои им е потребна во даден монент, како последица од високите темпераури, исто така им даваа препораки и совети за одговорно возење, на возачите и патниците им поделија прирачници за прва помош , печатен едукативен материјал за безбеден сообраќај и шишиња со ладна вода.