14 јули 2023
Безбедно лето 2023: Пред жителите на Кавадарци едукативни активности за „Заштита од топлотниот бран“
Денеска (14.07.2023) од страна на Отсекот за превенција при СВР Велес во соработка со претставници и волонтери од Црвен крст - Кавадарци, како дел од оперативниот план „Безбедно лето 2023“, спроведена е превентивна активност на тема „Заштита од топлотниот бран“. На градскиот плоштад и зелен пазар во Кавадарци, на повозрасната категорија граѓани им се поделени печатени материјали со едукативна содржина и корисни совети за заштита од високите температури во овој период од годината.
Активностите кои се дел од овие кампањи придонесуваат да се подигне свеста кај граѓаните за поголемо внимание за сопственото здравје и почитување на советите на лекарите.