Денеска (13.07.2023) во времето од 10.00 до 11.00 часот на Градскиот пазар во Кочани, полициски службеници од Полициската станица Кочани реализираа превентивна активност во рамки на оперативен план „Безбедно лето 2023“ за заштита од кривични дела измами, разбојништва и кражби. Притоа, во непосредна комуникација со граѓаните им беше укажано за начинот на кој може да се заштитат од разбојништва, кражби, џебни и дрски кражби.
Активноста, покрај едукативно – информативниот карактер, има за цел заштита и спречување, односно намалување на бројот на кривични дела од областа на имотните деликти. Воедно, на граѓаните им беа поделени печатени едукативни материјали.

Исто така, на граѓаните им беше укажано да бидат особено внимателни околу измамите со посредување на документи за работа во странство, како и купување на огревно дрво.