Денеска (10.07.2023) полициски службеници при ОВР Свети Николе на наплатната рампа „Преод“ на автопатот Штип -Миладиновци спроведоа сообраќајно-воспитна активност во рамки на „Безбедно лето 2023“, под мотото „Вози одморен“.

Во рамки на активноста на возачите им беше поделен материјал со едукативна содржина и вода за освежување и преку директен разговор со нив им беше укажано дека заморот е една од главните причини за предизвикување сообраќајни несреќи во овој период, а дека одморот и правилното управување со моторното возило се клучен фактор за безбедно пристигање на посакуваната дестинација.

Целта на денешната превентивна активност е подобрување на безбедноста во сообраќајот на патиштата, преку едукација и подигање на свесноста кај возачите, со цел намалување на незгодите кои се последица на заморот.