Во рамките на заедничката соработка на СВР Скопје со ИПА Регион Скопје, Одделението за превенција при СВР Скопје и во текoт на вчерашниот ден (22.06.) продолжи со превентивно-едукативните активности од областа на заштита од имотни деликти, односно поконкретно за заштита од – тешките кражби во моторни возила. Така, на подрачјето на ЕВР Ѓорче Петров а во содејство со полициски службеници од Полициската станица од општа надлежност Ѓорче Петров беа остварени средби со граѓани на кои што тие беа информирани околу овој вид деликти и начините на заштита. Воедно беа делени и летоци со едукативна содржина со цел подигнување на свеста кај граѓаните и нивно запознавање со заштитата и превенирањето на овој вид тешки кражби.