Отсекот за превенција при Секторот за внатрешни работи Штип денеска (21.06.) одржа превентивно едукативна средба со вработени од повеќе бензински пумпи на подрачјето на Штип, на тема „Безбедноста на граѓаните-наша обврска“. Притоа, се дискутираше за препознавањето на имотни делекти, за проблематиката од областа на фалсификувањето пари, а сето тоа особено од аспект на превенција. Исто така, беше нагласена и потребата од благовремена соработка со полицијата заради спречување на овие криминални појави.
Инаку, и во текот на вчерашниот ден (20.06.) на подрачјето под надлежност на СВР Штип, полициски службеници од Полициската станица Кочани и од Полициското одделение за безбедност на патниот сообраќај Кочани при ОВР Кочани, во централното подрачје на градот спроведоа превентивна активност од областа на сообраќајот под мотото „Вози одговорно“. Целта на активноста беше да се подигне свеста кај учесниците во сообраќајот, пред се во поглед на прилагодување на брзината на движење согласно законски пропишаните норми, а во интерес на безбедно одвивање на сообраќајот. Воедно, од страна на полициските службеници беа делени печатени едукативни материјали изработени со поддршка од РСБСП, а со информативни содржини од областа на сообраќајот.