17 јуни 2023
Превентивни активности на СВР Скопје
Во рамките на континуираните превентивни активности Одделението за превенција при СВР Скопје на 16.06.2023 (вчера) на подрачјето на Единицата за внатрешни работи Центар и Бит Пазар реализира превентивна активност за заштита од тешки кражби од моторни возила.
Полициски службеници од Одделението за превенција на поголемите паркинг простори поделија едукативни материјали и разговараа со граѓаните, на кои им беше укажано да не оставаат вредни предмети во автомобилите, кои потоа може да бидат мета на крадците.