Вчера (13.06.) полициски службеници од ПС Кочани во подрачното училиште „Страшо Пинџур“ во с. Спанчево, општина Чешиново- Облешево, за учениците од прво и второ одделение, реализираа едукативно предавање од областа на сообраќајот во рамки на проектот „да ги заштитиме децата во сообраќајот“.

Во рамки на предавањето полициските службеници ги запознаа децата со основните сообраќајни правила и прописи, за важноста од нивно почитување, за тоа како да се однесуваат како учесници во сообраќајот, како пешаци, а исто така и кога возат тротинет или велосипед. На децата им беше појаснето значењето и важноста на хоризонталната и светлосната сигнализација, како и за задачите и обврските на еден униформиран полициски службеник – сообраќаец.