Денеска (08.06.) на подрачјето на Одделението за внатрешни работи Кавадарци од страна на Отсекот за превенција при СВР Велес а во соработка со општината Кавадарци и Општинскиот сојуз за училишен спорт Кавадарци беше реализирана сообраќајно воспитната акција под мотото – „Возете велосипед“.
Од страна на општинскиот совет беше обезбедена траса за возење во кое што учествуваа деца од сите основни и средни училишта на подрачјето на Кавадарци, а пак од страна на Отсекот за превенција при СВР Велес на учесниците на рекреативното возење им беа поделени едукативни печатени материјали со информативна содржина поврзана со управувањето и користењето на велосипедите .
Инаку, целта на сообраќајно воспитната акциска беше потикнувањето на граѓаните за што поголемо користење на ова превозно средство, не само во функција на намалување на сообраќајните гужви туку и во поглед на здравствените и економски бенефити од користењето на велосипедите.