Денеска (23.05.) деца од предучилишна возраст од детската градинка „Павлина Вељанова“, објект – “Бамби-4“ ја посетија Полициската станица Кочани. Притоа, децата имаа можност да се запознаат со секојдневното работење на полицијата, особено на сообраќајната полиција.
Истовремено децата имаа прилика да видат дел од техничките средства на полицајците, како што се стоп палките и радарите за мерење брзина, а низ непосредната комуникација и другарување беа запознаени со оснвните сообраќајни правила и прописи важни за децата како пешаци, вклучително и за работата на семафорот и улогата на пешачкиот премин.