Вчера (18.05.2023) полициски службеници од ОВР Прилеп при СВР Битола реализираа превентивна активност на подрачјето на Прилеп со која беа опфатени угостителски работници и сопственици на угостителски локали во Прилеп, а во насока на интензивирање на меѓусебната соработка со цел навремено информирање за можни нарушувања на јавниот ред и мир, како и други облици на насилно, криминогено и деструктивно однесување, а со цел обезбедување на безбедна средина за матурските прослави. На угостителите во угостителските објекти им беше посочено да го почитуваат работното време, како и другите закони кои се однесуваат на нивното работење.

Исто така, вчера на подрачјето на ОВР Ресен, односно со ученици од осмо и девето одделение во основното училиште „Мите Богоевски“ во Ресен како и во основното училиште „Славејко Арсов“ во село Подмочани полициски службеници од ОВР Ресен спроведоа превентивна активност на тема „Ризици од користење на социјалните мрежи“ како и „Штетни последици од злоупотреба на наркотични дроги“. На работилницата на учениците им беше презентиран видео материјал со едукативна содржина.