Денеска (18.05.2023) полициски службеници од Отсекот за превенција при СВР Куманово, во соработка со велосипедски клуб „Вело-М“ и општински Совет за безбедност на сообраќајот на патиштата, во Градскиот парк во Куманово организираа велосипедска трка за најмладите.

Учесници на трката беа деца од предучилишна возраст од градинката „Ангел Шајче“ Куманово. Оваа манифестација истовремено беше искористена за сообраќајна едукација на децата особено во поглед на возење на велосипед. Целта на активност беше децата од предучилишна возраст да ги препознаат бенефитите кои им ги нуди велосипедот како превозно средство, но и да се запознаат со правилата и прописите за безбедно управување со велосипед.