Денеска во Брисел, Белгија, заменик министерот г. Назим Буши, присуствуваше на Состанокот на Министрите за внатрешни работи на земјите членки на ЕУ и партнерите од Западен Балкан за борба против трговија со оружје во Југоисточна Европа, каде се разговараше за Акцискиот план на ЕУ за трговија со огнено оружје 2020-2025, вклучително и Патоказот за сеопфатна контрола на мало и лесно оружје во Западен Балкан до 2024 година и конкретни дејствија за идна соработка.

Во рамки на состанокот, заменик министерот Буши оствари и работна средба со Високиот претставник на ЕУ и Потпретседател на Европската Комисија, Жозеф Борел и ЕУ Комесарката за внатрешни работи, Илва Јохансон.

Заменик министерот Буши на денешниот состанок информираше дека Северна Македонија активно работи на спроведување на активностите согласно целите утврдени во Патоказот и Акцискиот план на ЕУ за трговијата со огнено оружје 2020-2025, нагласувајќи дека борбата против недозволената трговија со оружје е издигната на ниво на стратешки приоритет на МВР и постигнати се значајни резултати кои се рефлектираат со зголемен број на откриени кривични дела и сторители.