Денеска, во рамки на одбележувањето на 7 Мај - Денот на полицијата, деца од предучилишна возраст од детската градина „Калинка“ од Валандово ги посетија полициските службеници од Полициската станица од општа надлежност Валандово. Притоа, децата со пригодни цртежи, изработени од нив, им го честитаа празникот на полициските службеници. Во оваа прилика дечињата имаа можност да се запознаат со основните задачи и обврски на полицијата, а посебно внимание се обрати на сообраќајната едукација и поука околу улогата на полицаецот сообраќаец, хоризонталната и вертикална сигнализација и друго. Децата, исто така, имаа можност да видат дел од основните средства за работа на полицијата, а воедно од страна на полициските службеници им беа врачени пригодни подароци.