Во рамки на континуираните превентивни активности на СВР Куманово, а во пресрет на “7 мај - Денот на македонската полиција“ денеска (05.05.) полициски службеници од Отсекот за превенција при СВР Куманово реализираа превентивна активност под мото – “Вистинските мотоциклисти возат одговорно и секогаш носат кацига“. На повеќе локации низ градот на возачите на мотори им беа поделени едукативни летоци изработени во соработка со РСБСП, а истовремено им беше укажувано за важноста од носење на соодветната безбедносна опрема додека управуваат мотор. По истиот повод и полициските службеници од ОВР Кратово при СВР Куманово одржаа отворен ден со полицијата каде децата од предшколска возраст од градинката “Царка Андреева“ имаа можност да ја посетат полициската станица во Кратово и да се запознаат со работата и опремата на полицијата.