Полициски службеници од полициската станица за безбедност на сообраќајот при СВР Битола денеска (27.04.) ги посетија ЈОУГД “Росица“ и ЈОУГД “Колибри“ од Битола, каде што за дечињата од предучилишна возраст спроведоа едукативна настава на темата – “Запознавање со професијата полицаец-сообраќаец“.
Полициските службеници ги запознаа децата со улогата и работните задачи на полицаецот-сообраќаец, а воедно им беа пренесени и основни, а важни информации околу сообраќајните правила и прописи, битни за безбедноста на пешаците во сообраќајот.