Отсекот за превенција при СВР Велес заедно со полициски службеници од ОВР Кавадарци денеска (18.04.) во просториите на Одделението за внатрешни работи Кавадарци реализираше едукативно предавање за учениците од прво до петто одделение од Основно општинско училиште “Страшо Пинџур“, односно неговата подрачна единица за селата Возарци и Дреново.

Притоа, на предавањето, тематски посветено на областа на сообраќајот, учениците беа запознати со основните сообракајни правила - движење по тротоар, преминување на улица на пешачки премин, значење и функција на светлосно сигналните уреди и сообраќајните знаци - а потоа од страна на полициските службеници во вториот дел од едукативната настава, во просториите на ОВР Кавадарци беше одржано и предавање во врска со полициската работа, како и презентација на опремата која се користи во секојдневното полициско работење.