Денеска (31.03.) од страна на полициски службеници од Отсекот за превенција при СВР Струмица беше спроведена превентивна активност со учениците од осмо одделение во основното општинско училиште “Сандо Масев“ во Струмица.

На работилницата посветена на темата “Превенција и заштита од врсничко насилство“ полициските службеници преку интерактивен метод на презентација посебно внимание посветија на механизмите за превенирање од оваа девијантна појава, односно како благовремено да се препознаат и детектираат причините за врсничкото насиство, потоа за факторите што се важни во процесот на превенирање - ученици, училиште, семејство - и пред се за улогата и функцијата на полицијата во едукацијата, спречувањето и заштита на децата во и надвор од училиштата.