Во рамки на континуираните превентивни активности на Одделението за превенција при СВР Скопје во соработка со полициски службеници од Полициските станици од општа надлежност Ѓорче Петров и Карпош, како и полициски службеници од Полициските одделенија Сарај и Петровец и од Одделението за безбедност на патниот сообраќај денеска (30.03.) беа реализирани седум едукативни работилници за основците од неколку основни училишта на подрачјето на Скопје.
Така, во основните училишта „Ѓорче Петров“ и „Страшо Пинџур“ на подрачјето на

ПСОН Ѓорче Петров се одржаа две работилници на темата – „Насилство преку социјални мрежи“. Учениците преку видео презентација беа запознати како таквите појави благовремено да се превенираат.
Потоа, во основните училишта “Братство“ (на подрачјето на ПСОН Карпош) и “Перпарими“ (на подрачјето на ПО Сарај) заедно со учениците од училишните Клубови за превенција се реализираа видео презентации на темата – “Зависности“.

Во основното училиште “Кочо Рацин“ (на подрачјето на ПО Петровец) се одржа работилница на темата – “семејно насилство“, на која што учениците и членовите на училишниот Клуб за првевенција беа запознати со најважните информации околу оваа девијантна појава која што може да се манифестира на различни начини.
Исто така, денеска во основните училишта “Ѓорче Петров“ и “Климент Охридски“ (на подрачјето на општина Чаир) во рамки на превентивната кампања “Да ги заштитиме децата во сообраќајот“ се одржаа две работилници при што преку интерактивен метод и мултимедијални примери, на учениците им беа презентирани и објаснети информации за основите на сообраќајната култура, сообраќајните правила, прописи и знаци, со посебен акцент на оние кои директно влијаат врз безбедноста на децата кои се учесници во сообраќајот во улога на пешаци.