Вчера (13.03.) Одделението за превенција при СВР Скопје реализираше превентивна активност во СУГС “Владо Тасевски“ со ученици од прва и трета година, со цел подигнување на свеста и преземање на мерки и активности насочени кон превенција од родово базирано насилство и семејно насилство. При тоа, на учениците присутни на трибината им беше поделен и едукативен материјал.

Покрај овие активности, Одделението за превенција при СВР Скопје во соработка со РСБСП и полициски службеници од Одделението за безбедност на патниот сообраќај при СВР Скопје од областа на сообраќајната безбедност, организираше едукативно превентивна активност на подрачјето на општина Гази Баба, поточно на булеварот “Крсте Петков Мисирков“, во рамки на кампањата “Не заборавај - стави појас“, каде на возачите им беше поделен едукативен материјал.

Од страна на полициски службеници од Полициската станица од општа надлежност Кисела Вода во координација со Одделението за превенција при СВР Скопје реализирана беше и превентивна едукативна работилница на тема “Говор на омраза“, со ученици од втора година во СУГС “Раде Јовчевски Корчагин“.
И од страна на полициски службеници од Полициското одделение Сарај во координација со Одделението за превенција при СВР Скопје реализирана беше превентивна едукативна работилница на тема “трговија со луѓе“ со учениците од клубот за превенција во ОУ “Ибе Паликуќа“ и ОУ “Перпарими“.