Денеска (24.02.) Отсекот за превенција при СВР Велес во содејство со полициски службеници од полициската станица за безбедност на патниот сообраќај Велес реализираа сообраќајно воспитна едукација со учениците од ССОУ “Коле Неделковски“ од Велес.
Полициските службеници во рамки на едукацијата на учениците им презентираа информации за основите на сообраќајната култура, за сообраќајните правила и прописи особено оние што најдиректно влијаат врз безбедноста во сообраќајот, и за правилата и нормите важни за средношколците и како пешаци, но и како возачи почетници.