Денеска (17.02.) од страна на Отсекот за превенција при СВР Охрид на повеќе локации на подрачјето на Охрид беше спроведена превентивна активност за заштита и превенција од имотни деликти, при што на граѓаните, пред се повозрасните лица и пензионери, како категорија граѓани кои се најчеста мета на овие кривични дела – им беа презентирани практични искуства и совети за заштита и превенција од овие облици на криминал. Особено беше нагласена потребата од благовремено препознавање и пријавување на ваквите случаи на полицијата. Воедно на граѓаните им беа делени и печатени материјали со едукативни содржини.

Инаку и вчера (16.02.) Отсек за превенција при СВР Охрид заедно со полициски службеници од полициската станица од општа надлежност Струга реализираше превентивни активности, односно беа одржани три едукативни работилници на тема – “Говор на омраза“ со ученици од прва година од средното училиште “Нико Нестор“ од Струга. Притоа учениците беа запознаени со штетноста и последиците од говорот на омраза, особено кај младата популација и начините за препознавање и превенција од оваа девијантна појава.