На 17.01.2023 од страна на полициски службеници од ОВР Делчево спроведени се превентивно-едукативни активности под мотото „Паркирај совесно - паркирај одговорно“ и ,,Биди подготвен за безбедно патување во зима“, при што на возачите учесници во сообраќајот им беа поделени летоци со едукативна содржина за важноста и обврската за поседување и носење зимска опрема во возилата.
За време на активностите посебно внимание беше обрнато и на неправилното паркирање, како една од причините за голем број на сообраќајни незгоди во кои страдаат деца, пешаци и велосипедисти.
Целта на превентивно-едукативните активности на ОВР Делчево, кои ќе продолжат и во наредниот период на различни теми, е зголемување на безбедноста во сообраќајот и севкупната безбедност на подрачјето.