Полициски службеници од Отсекот за превенција при ОВР Свети Николе во соработка со Општинскиот совет за безбедност на сообраќајот на патиштата за Свети Николе, заедно со стручната служба при основното општинско училиште “Методи Митевски Брицо“ и подрачното училиште во село Милино одржаа едукативни предавања за ученици од прво до петто одделение, на тема поврзана со сообраќајната безбедност на децата.

Притоа, пред децата беа презентирани сите основни сообраќајни правила и прописи, а кои што се директно поврзани со нивната безбедност и сигурност. Тргнувајќи од основните знаења за функцијата на семафорите, на сообраќајните полицајци што го регулираат сообраќајот, за важноста на пешачките премини, како и за правилното движење по тротоарите, а се со цел децата како учесници во сообраќајот да бидат сигурни и безбедни.