24 ноември 2021

Приведен разбојник во Скопје

На 23.11.2021 во 19.50 часот на ул.„Димитрија Чуповски“ во Скопје, полициски службеници од СВР Скопје лишиле од слобода малолетник од Скопје. Тој бил затекнат при извршување разбојништво во продажен објект. Одземениот промет веднаш бил вратен во касата, а од него бил одземен ножот со кој го извршил делото. Тој бил приведен во полициска станица и по целосно документирање на случајот против него ќе биде поднесена соодветна пријава.