07 април 2021

Посета на заменик на претседателот на Владата на Република Северна Македонија Љупчо Николовски на Специјалната антитерористичка единица „Тигар“

 Денеска се одржа работна посета на Специјалната антитерористичка единица „Тигар“, од страна на г.Љупчо Николовски, заменик на претседателот на Владата на Република Северна Македонија за борба против корупција и криминал, одржлив развој и човечки ресурси, чиј домаќин беше министерот за внатрешни работи Оливер Спасовски. Во рамките на посетата, а по повод неодамнешното одбележување на 40-годишниот јубилеј на САЕ Тигар, на г.Љупчо Николовски му беше врачена јубилејна плакета од страна на командантот на единицата , г. Митко Даневски.

Заменик претседателот Николовски заедно со министерот Спасовски ја посетија Спомен куќата, каде г.Николовски се потпиша во спомен книгата. Се одржа и посета на наодамна изграденото стрелиште, кое е од исклучителна важност за припадниците на САЕ „Тигар“.

Министерот Спасовски, заменик Претседателот на Владата и командантот на единицата потенцираа дека значително се подобрени условите за беспрекорно фукционирање на припадниците на Специјалната антитерористичка единица „Тигар“, а дополнително подобрување ќе биде постигнато со тековната преадаптација и реконструкција на уште еден објект, локациски сместен во Касарната „Илинден“, кој со Одлука на Влада на Република Северна Македонија е преземен од Министерството за одбрана и наменет за потребите на вработените на Специјалната антитерористичка единица „Тигар“.

Овој објект е преземен со голем процент на амортизирана и дотраена градежна функционална состојба во сите негови составни конструктивни елементи, како и целосна нефункционалност на постојните  вградени инсталаци. Објектот во моментотот е во фаза на преадаптација и реконструкција.