Денеска во Министерството за внатрешни работи на Република Северна Македонија, министерот за внатрешни работи Оливер Спасовски оствари средба со амбасадорот на Италијанската Република Н.Е. Карло Ромео. На средбата двајцата соговорници ја потенцираа одличната соработка не само помеѓу министерствата за внатрешни работи на двете земји, туку и генерално преку доглгогодишното партнерство меѓу Република Северна Македонија и Италија.

Особено беше истакнат фактот дека во сферата на безбедноста таа заедничка соработка во изминативе неколку години беше уште повеќе интензивирана, како преку заеднички акции за сузбивање на криминал, така и преку овозможување на обуки и експертиза од италијанска страна за потребите на вработените во МВР на РСМ, придонесувајќи во континуираното унапредување на капацитетите на институцијата во целина. Министерот Спасовски му се заблагодари на Н.Е. Ромео за безрезервната поддршка од страна на Италија за нашиот пат кон ЕУ и НАТО, што е уште еден доказ за стратешкото партнерство меѓу двете земји.