Денеска во Министерството за внатрешни работи, министерот Оливер Спасовски имаше работна средба со амбасадорот на Република Албанија Н.Е. Фатос Река.

На средбата Спасовски и Река, меѓу другото, разговараа за досегашната соработка како меѓу двете земји така и меѓу министерствата за внатрешни работи на Република Северна Македонија и Република Албанија, при што заеднички беше констатирано дека таа е на извонредно високо ниво, за што сведочат бројните билатерални договори за работа во повеќе полиња од областа на безбедноста.

Беше нагласена подготвеноста и за дополнително интензивирање на соработката, особено бо поглед на заедничката борба против организираниот криминал и корупција, илегалната миграција, трговијата со луѓе и др.