14 март 2017

13-ти Март- Ден на Единицата за специјални задачи „Тигар“

На 13- ти Март 2017 година Единицата за Специјални Задачи го одбележа Денот на Единицата-36-годишнината од формирањето.  Во рамки на одбележување на Денот на ЕСЗ „Тигар“  беа организирани повеќе манифестации и активност во периодот од 10 до 12 Март 2017 година. 

На 10.03.2017 година во Единицата беше спроведена крводарителска акција на која крв даруваа 36 припадници на ЕСЗ. На 10-ти март беше положено и цвеќе на споменикот на загинатите припадници на единицата, а Командантот Славчо Петрушевски имаше обраќање пред припадниците.  Истиот ден на повеќе припадници на единицата им беа доделени јубилејни плакети за 10, 15, 20 и 25 години служба во ЕСЗ .

На 11-ти Март беа посетени семејствата на загинатите припадници на ЕСЗ a беше положено цвеќе на гробовите на загинатите припадници на специјалната единица.

 

На 12 - ти Март 2017 година имаше отворен ден во Единицата за семејствата на припадниците, преставниците на МВР, пријателите и соработниците на Единицата. На отворениот ден за посетителите беше организирана изложба на возила, средства и опрема, како и забавна програма за децата на припадниците.